Ynglŷn â'r adolygiad hwn

Mae Bwrdd Iechyd Prifysgol Bae Abertawe (BIPBA) wedi comisiynu adolygiad annibynnol allanol o wasanaethau mamolaeth a newyddenedigol. Mae’r adolygiad yn cael ei oruchwylio gan Banel Goruchwylio annibynnol.

Mae’r adolygiad yn cynnwys sawl ffrwd waith gan gynnwys adolygiad clinigol, adolygiad o risgiau adrannol cyfredol, asesiad llywodraethu a dadansoddiad cyd – destunol. Yn sail i’r adolygiad mae rhaglen ymgysylltu i gasglu adborth gan deuluoedd a staff ar eu profiadau o wasanaethau mamolaeth a newyddenedigol.

Mae’r wefan hon yn darparu mecanweithiau cyfathrebu i deuluoedd gysylltu â’r adolygiad a rhoi adborth ar eu profiadau; mae hefyd yn darparu gwybodaeth am adnoddau cefnogaeth i deuluoedd.

Bydd y tîm clinigol yn cynnal adolygiad o rai achosion mamolaeth a newyddenedigol a phrofiadau teuluoedd. Bydd hwn yn ddull graddol a bydd llythyr yn cael ei anfon at deuluoedd cyn yr adolygiad i ofyn a ydynt yn dymuno cymryd rhan.

Mae hwn yn adolygiad annibynnol; cliciwch yma i gael rhagor o wybodaeth am annibyniaeth a’r trefniadau llywodraethu ar gyfer yr adolygiad hwn.

Pecyn Llywodraethu

Defnydd o’ch gwybodaeth

Rydym am eich sicrhau y byddwn yn ofalus iawn gyda’r wybodaeth a roddwch i’r tîm adolygu; mae hyn yn cynnwys eich data, eich gwybodaeth bersonol a gwybodaeth am eich profiadau. Mae eich barn am y gofal a gawsoch yn hanfodol ac efallai y byddwn yn defnyddio’ch gwybodaeth mewn nifer o wahanol ffyrdd, gan gynnwys:

• Defnyddio dyfyniadau dienw yn ein hadroddiad (ni fydd modd adnabod unrhyw beth a ddefnyddir);
• Defnyddio gwybodaeth a gafwyd o’ch adborth i integreiddio â phrofiadau menywod a theuluoedd eraill, yn enwedig i ddeall meysydd lle mae’n ymddangos bod pobl yn dweud pethau tebyg am eu profiadau;
• Defnyddio data am eich demograffig (oedran, ethnigrwydd, cyfeiriadedd rhywiol) – os byddwn yn gofyn am y wybodaeth hon ac os byddwch yn darparu’r wybodaeth hon; ac
• Defnyddio gwybodaeth am sut i gysylltu â chi os ydych wedi gofyn i ni wneud hynny.

Os byddwch yn rhoi gwybodaeth i ni sy’n nodi pryder diogelu, gallwn ofyn am fwy o wybodaeth neu gyfeirio hyn at y personau perthnasol neu’r awdurdod cyhoeddus.

Os bydd Crwner neu Orchymyn y Llys yn gofyn am wybodaeth sydd gennym, efallai y bydd angen i ni ryddhau hyn, ond byddwn yn rhoi gwybod i chi yn gyntaf.

Bydd yr holl wybodaeth sydd gennym yn cael ei chadw ar ein systemau diogel am ddwy flynedd ar ôl cwblhau’r broses adolygu, ac ar ôl hynny bydd yn cael ei dinistrio’n ddiogel. Os ydych chi’n poeni o gwbl am sut y gallai eich gwybodaeth gael ei defnyddio, ei chadw neu ei chyrchu, cysylltwch â ni yn: swanseamaternityreview@nicheconsult.co.uk

Gallwch ddarllen mwy am ein protocolau diogelwch data yma: https://www.nicheconsult.co.uk/support-information/#data

Y Tîm Adolygu